Caricamento Eventi
Questo evento è passato.

Tai 100 agns de nassite dal comediograf cjargnel Luigi Candoni, par puartâ indenant la ativitât di promozion de sô dramaturgjie contemporanie, fate tra i agns ’50 e ’70 dal Nûfcent e lade indenant tai agns dopo cul “Premi Candoni”, la Associazion Culturâl “Luigi Candoni”, in colaborazion cul Teatri Stabil Furlan, cu la ARLeF – Agjenzie Regjonâl pe Lenghe Furlane e cu la Fondazion Teatri Gnûf “Giovanni da Udine”, e organize te suaze de manifestazion “PREMI CANDONI” e dal progjet “Il furlan lenghe dal Teatri” la tierce edizion dal:

CONCORS “PREMI CANDONI – OPARIS TEATRÂLS IN LENGHE FURLANE”.

Il Concors “PREMI CANDONI – OPARIS TEATRÂLS IN LENGHE FURLANE”  al à l’obietîf di:

  • promovi e pandi la lenghe furlane tal setôr de formazion dramaturgjiche;
  • proponi gnûfs tescj in lenghe furlane pe produzion di spetacui teatrâi professionâi;
  • disvilupâ ativitâts dramaturgjichis e teatrâls che si fondin suntune progjetualitât largje par realizâ il program “Il furlan lenghe dal teatri”.

I partecipants a àn di mandâ i elaborâts daûr des indicazions e des cundizions specificadis tal Regolament. La Jurie dal Premi e procedarà cu la leture des oparis e cu la votazion e e decidarà la graduatorie dai tescj premiâts: Prin, Secont e Tierç Classificât (lis cundizions dai premis a son specificadis tal Regolament). Il CONCORS si sierarà cu la premiazion: in chê ocasion, si fasarà la leture seniche dal Test teatrâl Prin Classificât.

Si à di mandâ la opare dentri des 18.00 dai 15 di Novembar dal 2021 (oparis mandadis dopo di chest orari no vignaran consideradis); la organizazion dal concors e rispuindarà cuntune e-mail dentri di 24 oris de ricezion. Se, passât il tiermin, il partecipant nol ves di vê ricevude la e-mail di rispueste, si domande di contatâ la Associazion Culturâl “Luigi Candoni” al numar di telefon 328/8869497.

In zonte il bant intîr.

Bant tierce edizion “Premi Candoni”

Dettagli

Data:
15/11/21
Ora:
18:00
Categoria Evento:

Organizzatore

Teatri Stabil Furlan
Telefono:
+39 392 3273719
Email:
info@teatristabilfurlan.it