La sauride stagjon dal Teatri Stabil Furlan
‘Savôrs’ e je la peraule ’dal gustâ’ che chest’an o vin sielgiût par dai il titul a la gnove stagjon 2026 dal Teatri Stabil Furlan. E di ‘gustâ’ si cjacare, difat, presentant une stagjon che a mostre parsore di une stesse taule tancj savôrs diferents, preparâts di tancj artiscj furlans di divignincis diviersis de nestre regjon, tacant de montagne pordenonêse (chê de pitine, par capîsi) di Marta Riservato che nus conte la storie straordinarie di sô none Argie, passant par chê citât che a sarà capitâl taliane de culture 2027 di Lisa Moras, cuntune storie che a sa di orient e di ocident, lant indenant viars soreli jevât cul lavôr centrât sul mangjâ furlan dal libri di recipis de contesse Perusini di Bettina Carniato, une polse tal Cuei par un bon taj cul lavôr sul vin di Carlo Onado, scritôr di zai milanês prestât al Friûl, e vie ancjemò simpri lant viars il cricâ dì cun la conte di un pâr di smursiei blancs e ros pierdûs intune storie là che par mangjâ a dile dute si mangjave ben pôc, de bande de gurizane Elisa Menon, e ancjemò plui in là cul incuintri sul confin, fra salamp e cevapcici di Aida Talliente e Patrizia Jurincic Finzgar. Rivant ancje a fâ un scjampon tas Gjermaniis là che i Krauten a deventin bruade par contâ une altre storie dal secul passât de bande di Maria Milisavljevic (tantis feminis chest’an), cul jutori preziôs di Federico Scarpin e un grant salt (chel sì, ‘oceanic’) di chê atre bande dal mont cul incuintri speciâl fra ramen e ‘suf, fra Yukio Mishima e Pier Paolo Pasolini siervît in taule di Marco Maria Tosolini. Ce sorte di viaç dentri de mangjative, nomo? E dut chest intun ambient gnûf dal dut, la gnove sede dal TSF, che a si cjate dentri de fiere di Torrean di Martignà. Une taule gnove gnove tant che un altri savôr di zontâ àl gustâ. ‘Gustâ’, propit.
Vegnîso a cene cun nô?
Abbracciando stretta la vita
15 Dicembre 2024 21:00
Produzion / Produzione
Teatri Stabil Furlan / Civica Accademia d’Arte Drammatica Nico Pepe
Di une idee origjinâl di / Da una idea originale di
Antonio Devetag
Dramaturgjie e regjie / Drammaturgia e regia
Claudio De Maglio
Consulence dramaturgjiche / Consulenza drammaturgica
Carlo Tolazzi
Assistent ae regje / Assistente alla regia
Mark Kevin Barltrop
Cun / Con
Dina Mirbakh, Radu Murarasu, Alessandro Maione, Giulia Cosolo, Klaus Martini e Stefano Panfoldo
Costums / Costumi
Emmanuela Cossar
Musichis origjinâls, violoncel, vôs / Musiche originali, violoncello, voce
Mariano Bulligan e Alan Malusà Magno
Regjistrazion al pianoforte / Registrazione al pianoforte
Alessandro Scolz
Senografie / Scenografia
Andrea e Claudio Mezzelani
Disvilupât di une idee origjinâl di Antonio Devetag, il spetacul “Abbracciando stretta la vita. Il giovane Carlo Michelstaedter e Gorizia: famiglia, amici, amori” al è dedicât ae figure di un pensadôr e autôr sensibil, gjeniâl, esploradôr di diviers lengaçs espressîfs tant che piture, poesie, e dialics filosofics, che la sô parabule curte e à lassât un segn impuartant inte culture mitteleuropeane. Dopo de prime tape dal progjet dedicât a Michelstaedter – che si è concretizade intal spetacul “Carlo e Nadia”, presentât al Mittelefest intal 2021, e dulà che si contave dal rapuart curt e intens cu la rifugjade russe Nadia Baraden – e rive cumò cheste seconde tape dulà che la sene si môf inte dimension cosmopolite e plurilinguistiche de Gurize de fin dal Votcent. Inte famee di Carlo, di origjins ebraichis, si fevelave par todesc, talian e furlan, che e jere la lenghe doprade dal pari Alberto. Dongje dai protagoniscj, i amîs dai agns di liceu, Enrico Mreule e Nino Paternolli, che cun chei al condivît l’amôr pai classics, lis cjaminadis sù pes monts, la voie di cambiament.
Sviluppatosi da un’idea originale di Antonio Devetag, lo spettacolo “Abbracciando stretta la vita. Il giovane Carlo Michelstaedter e Gorizia: famiglia, amici, amori” è dedicato alla figura di un pensatore e autore sensibile, geniale, esploratore di diversi linguaggi espressivi come pittura e poesia, dialoghi filosofici, la cui parabola breve ha lasciato un segno importante nella cultura mitteleuropea. Alla prima tappa del progetto dedicato a Michelstaedter concretizzatasi nello spettacolo “Carlo e Nadia” presentato a Mittelefest nel 2021 dove si raccontava del breve e intenso rapporto con Nadia Baraden profuga russa, segue questa seconda tappa dove la scena si sposta nella dimensione cosmpolita e plurilinguistica della Gorizia di fine Ottocento. Nella famiglia di Carlo di origini ebraiche, si parlava tedesco, italiano e friulano, la lingua utilizzata dal padre Alberto. Accanto ai protagonisti gli amici degli anni di liceo, Enrico Mreule e Nino Paternolli, con i quali condivide l’amore per i classici, le escursioni in montagna, la voglia di cambiamento.
Jentrade libare / Ingresso libero e gratuito
