Inovâl
14/11/26 20:00
One event on 14 Novembre 2026 at 20:00
One event on 15 Novembre 2026 at 16:00
Test di Barbara Bregant
Regjie Federico Scridel
Cun Paolo Mutti e Marta Riservato
Senis Claudio e Andrea Mezzelani
Produzion Teatri Stabil Furlan
Elena e Claudio a fasin fieste pal aniversari di matrimoni tal lôr ristorant preferît. La cene e devente il pont di partence par un viaç te lôr storie. E cussì, daspò dal rituâl solit, ripetût identic di agns e fat di batudis e pontadis, ju cjatìn zovenons e inamorâts, e po cjapâts cul matrimoni e i gustâs di Nadâl in famee, lis discussions salvadiis, lis riconciliazions, i tasês, lis pierditis. Une storie di amôr che no si pant tai grancj avigniments, ma tai detais di ogni dì, tai ats ripetûts che a tegnin adun dôs vitis.
Contâ une storie di amôr, te sô interece, cence epicitât, cence idealizâle, al vûl dî fevelâ di ducj nô. L’amôr al è personâl e iripetibil, si capìs, ma tal profont ancje universâl. E l’amôr che al dure une vite al è fat di cuotidianitât: lis usancis condividudis, la complicitât, la ironie che nus salve e il dolôr che nus met in prove. O ridìn parcè che si ricognossìn, si comovìn parcè che o savìn che chê storie, insot insot, e podarès jessi la nestre.
Elena e Claudio festeggiano l’anniversario di matrimonio nel loro ristorante preferito. La cena diventa il punto di partenza per un viaggio nella loro storia. E così dopo il solito rituale, ripetuto identico da anni e fatto di battute e frecciatine, li ritroviamo giovanissimi e innamorati e poi alle prese con il matrimonio e i pranzi di Natale in famiglia, le discussioni feroci, le riconciliazioni, i silenzi, le perdite. Una storia d’amore che non si rivela nei grandi eventi, ma nei dettagli quotidiani, nei gesti ripetuti che tengono insieme due vite.
Raccontare una storia d’amore, nella sua interezza, senza epicità, senza idealizzarla, significa parlare di tutti noi. L’amore è personale e irripetibile, certo, ma anche profondamente universale. E l’amore che dura una vita è fatto di quotidianità: le abitudini condivise, la complicità, l’ironia che ci salva e il dolore che ci mette alla prova. Ridiamo perché ci riconosciamo, ci commuoviamo perché sappiamo che quella storia, in fondo, potrebbe essere la nostra.
Condividi il nostro spettacolo sui Social!
La sauride stagjon dal Teatri Stabil Furlan
‘Savôrs’ e je la peraule ’dal gustâ’ che chest’an o vin sielgiût par dai il titul a la gnove stagjon 2026 dal Teatri Stabil Furlan. E di ‘gustâ’ si cjacare, difat, presentant une stagjon che a mostre parsore di une stesse taule tancj savôrs diferents, preparâts di tancj artiscj furlans di divignincis diviersis de nestre regjon, tacant de montagne pordenonêse (chê de pitine, par capîsi) di Marta Riservato che nus conte la storie straordinarie di sô none Argie, passant par chê citât che a sarà capitâl taliane de culture 2027 di Lisa Moras, cuntune storie che a sa di orient e di ocident, lant indenant viars soreli jevât cul lavôr centrât sul mangjâ furlan dal libri di recipis de contesse Perusini di Bettina Carniato, une polse tal Cuei par un bon taj cul lavôr sul vin di Carlo Onado, scritôr di zai milanês prestât al Friûl, e vie ancjemò simpri lant viars il cricâ dì cun la conte di un pâr di smursiei blancs e ros pierdûs intune storie là che par mangjâ a dile dute si mangjave ben pôc, de bande de gurizane Elisa Menon, e ancjemò plui in là cul incuintri sul confin, fra salamp e cevapcici di Aida Talliente e Patrizia Jurincic Finzgar. Rivant ancje a fâ un scjampon tas Gjermaniis là che i Krauten a deventin bruade par contâ une altre storie dal secul passât de bande di Maria Milisavljevic (tantis feminis chest’an), cul jutori preziôs di Federico Scarpin e un grant salt (chel sì, ‘oceanic’) di chê atre bande dal mont cul incuintri speciâl fra ramen e ‘suf, fra Yukio Mishima e Pier Paolo Pasolini siervît in taule di Marco Maria Tosolini. Ce sorte di viaç dentri de mangjative, nomo? E dut chest intun ambient gnûf dal dut, la gnove sede dal TSF, che a si cjate dentri de fiere di Torrean di Martignà. Une taule gnove gnove tant che un altri savôr di zontâ àl gustâ. ‘Gustâ’, propit.
Vegnîso a cene cun nô?
