La sauride stagjon dal Teatri Stabil Furlan
‘Savôrs’ e je la peraule ’dal gustâ’ che chest’an o vin sielgiût par dai il titul a la gnove stagjon 2026 dal Teatri Stabil Furlan. E di ‘gustâ’ si cjacare, difat, presentant une stagjon che a mostre parsore di une stesse taule tancj savôrs diferents, preparâts di tancj artiscj furlans di divignincis diviersis de nestre regjon, tacant de montagne pordenonêse (chê de pitine, par capîsi) di Marta Riservato che nus conte la storie straordinarie di sô none Argie, passant par chê citât che a sarà capitâl taliane de culture 2027 di Lisa Moras, cuntune storie che a sa di orient e di ocident, lant indenant viars soreli jevât cul lavôr centrât sul mangjâ furlan dal libri di recipis de contesse Perusini di Bettina Carniato, une polse tal Cuei par un bon taj cul lavôr sul vin di Carlo Onado, scritôr di zai milanês prestât al Friûl, e vie ancjemò simpri lant viars il cricâ dì cun la conte di un pâr di smursiei blancs e ros pierdûs intune storie là che par mangjâ a dile dute si mangjave ben pôc, de bande de gurizane Elisa Menon, e ancjemò plui in là cul incuintri sul confin, fra salamp e cevapcici di Aida Talliente e Patrizia Jurincic Finzgar. Rivant ancje a fâ un scjampon tas Gjermaniis là che i Krauten a deventin bruade par contâ une altre storie dal secul passât de bande di Maria Milisavljevic (tantis feminis chest’an), cul jutori preziôs di Federico Scarpin e un grant salt (chel sì, ‘oceanic’) di chê atre bande dal mont cul incuintri speciâl fra ramen e ‘suf, fra Yukio Mishima e Pier Paolo Pasolini siervît in taule di Marco Maria Tosolini. Ce sorte di viaç dentri de mangjative, nomo? E dut chest intun ambient gnûf dal dut, la gnove sede dal TSF, che a si cjate dentri de fiere di Torrean di Martignà. Une taule gnove gnove tant che un altri savôr di zontâ àl gustâ. ‘Gustâ’, propit.
Vegnîso a cene cun nô?
Contimi, Crassigne
3 Ottobre 2024 17:00
Di
Serena Di Blasio e Carlo Tolazzi
Da
‘Le Metamorfosi’ di Ovidio
Coproduzion /Coproduzione
Teatri Stabil Furlan e CTA – Centro Regionale Teatro Animazione e Figure di Gurize
Regjie di / Regia di
Serena Di Blasio
Cun / Con
Giulia Cosolo e Daniele Fior
Pipinots e senografie di / Pupazzi e scenografia di
Donatella Pau – Is Mascareddas di Cagliari
Un om vecjo, intant che al sburte une grande valîs, une crassigne, si ferme par polsâ. Une frute i va incuintri e i conte che si è pierdude tal bosc.
L’om vecjo, il non enigmatic e ruspiôs di non Iaroni, al consee ae frute, di non Gaia, di scoltâ lis storiis che a contin i ogjets che si cjatin intai scansei misteriôs de crassigne. Iaroni al fevelarà ancje di se. Al è un cramâr, un vendidôr di strade tradizionâl che al puarte bens e al torne indaûr cun storiis che a vegnin di di là de mont, storiis che une volte a podevin jessi ancje pericolosis e che a puartavin ideis di une altre culture, diferente di chê istituzionâl.
Lis tramis contadis di Iaroni a son cuatri e a clamin dongje cuatri episodi de Le Metamorfosi di Ovidi: Narciso, Ceice e Alcione, Filemone e Bauci, Erisittone. In chestis storiis Gaia e cjatarà la strade par lâ fûr dal bosc e il vecjo Iaroni al tornarà a cjapâ la sô vie.
I protagoniscj a son interpretâts di dôs marionetis manovradis a voli di doi atôrs animadôrs, Giulia Cosolo e Daniele Fior.
Un vecchio, trascinando un grande bagaglio, una crassigne, si ferma per riposare. Una bambina gli va incontro raccontandogli di essersi persa nel bosco.
Il vecchio, l’enigmatico e scorbutico nonno Iaroni, propone alla bambina, Gaia, di ascoltare alcune storie suggerite dagli oggetti trovati nei cassetti misteriosi della crassigne. Iaroni parlerà anche di sé. È un cramâr, un tradizionale venditore ambulante che porta merci e riporta storie che vengono da oltre le montagne, storie che un tempo potevano essere anche pericolose, foriere di idee di una cultura altra, diversa da quella istituzionale.
Le trame raccontate da Iaroni sono quattro e richiamano altrettanti episodi de Le Metamorfosi di Ovidio: Narciso, Ceice e Alcione, Filemone e Bauci, Erisittone.
Attraverso questi racconti Gaia troverà la strada per uscire dal bosco e il vecchio Iaroni riprenderà la sua via.
I protagonisti sono impersonati da due pupazzi manovrati a vista da due attori-animatori, Giulia Cosolo e Daniele Fior.
Par informazions
