La sauride stagjon dal Teatri Stabil Furlan
‘Savôrs’ e je la peraule ’dal gustâ’ che chest’an o vin sielgiût par dai il titul a la gnove stagjon 2026 dal Teatri Stabil Furlan. E di ‘gustâ’ si cjacare, difat, presentant une stagjon che a mostre parsore di une stesse taule tancj savôrs diferents, preparâts di tancj artiscj furlans di divignincis diviersis de nestre regjon, tacant de montagne pordenonêse (chê de pitine, par capîsi) di Marta Riservato che nus conte la storie straordinarie di sô none Argie, passant par chê citât che a sarà capitâl taliane de culture 2027 di Lisa Moras, cuntune storie che a sa di orient e di ocident, lant indenant viars soreli jevât cul lavôr centrât sul mangjâ furlan dal libri di recipis de contesse Perusini di Bettina Carniato, une polse tal Cuei par un bon taj cul lavôr sul vin di Carlo Onado, scritôr di zai milanês prestât al Friûl, e vie ancjemò simpri lant viars il cricâ dì cun la conte di un pâr di smursiei blancs e ros pierdûs intune storie là che par mangjâ a dile dute si mangjave ben pôc, de bande de gurizane Elisa Menon, e ancjemò plui in là cul incuintri sul confin, fra salamp e cevapcici di Aida Talliente e Patrizia Jurincic Finzgar. Rivant ancje a fâ un scjampon tas Gjermaniis là che i Krauten a deventin bruade par contâ une altre storie dal secul passât de bande di Maria Milisavljevic (tantis feminis chest’an), cul jutori preziôs di Federico Scarpin e un grant salt (chel sì, ‘oceanic’) di chê atre bande dal mont cul incuintri speciâl fra ramen e ‘suf, fra Yukio Mishima e Pier Paolo Pasolini siervît in taule di Marco Maria Tosolini. Ce sorte di viaç dentri de mangjative, nomo? E dut chest intun ambient gnûf dal dut, la gnove sede dal TSF, che a si cjate dentri de fiere di Torrean di Martignà. Une taule gnove gnove tant che un altri savôr di zontâ àl gustâ. ‘Gustâ’, propit.
Vegnîso a cene cun nô?
Dio potente – riservato ai Soci di Banca 360FVG
7 Maggio 2024 20:45
Di / di
Andrea Appi
Regjie di / Regia di
Andrea Appi
Cun / Con
Andrea Appi, Maria Ariis
Musichis dal vîf di / Musiche dal vivo di
Arno Barzan
Spazi senic di / Spazio scenico di
Maria Paola Di Francesco e Stefano Zullo
Costums di / Costumi di
Meri Scarpante
Dissen des lûs di / Disegno luci di
Alberto Biasutti
Produzion / Produzione
Teatri Stabil Furlan
Cu la poie di / Con il sostegno di
Banca 360FVG
Cun il patrocini di / Con il patrocinio di
Comune di Codroipo
In colaborazion cun / In collaborazione con
Comune di Cordenons, Società Filologica Friulana, Centro Iniziative Culturali Pordenone, Casa dello Studente Antonio Zanussi Pordenone, Ente Friuli nel Mondo
Andrea al è impegnât intes provis pal event teatrâl celebratîf dai cent agns de nassite di so barbe Renato. Ma Andrea al è un cabaretist che no si è mai interessât di poesie, o plui in gjenerâl, di teatri ‘seri’: duncje, al domande jutori ae sô femine Marie, che lafè sì e je une atore impegnade, di alt nivel artistic. Tra i doi e nas une discussion ferbinte, cun elements di grande ironie, sul sens de poesie, sul sintiment che e dismôf, sul mont artistic e teatrâl contemporani e, par ultin, midiant dai scrits e de biografie dal artist e dal om, sul omaç vêr e sintût di fâ a Renato Appi, animadôr culturâl, studiôs e scritôr di grant nivel artistic e soredut uman.
Andrea è impegnato nelle prove per l’evento teatrale celebrativo dei cento anni dalla nascita di suo zio Renato. Ma Andrea è un cabarettista, che non si è mai occupato della poesia o più in generale del teatro ‘serio’, e allora chiede l’aiuto della moglie Maria, lei sì attrice impegnata e di alto livello artistico. Tra i due nasce un dibattito acceso, non privo di elementi di grande ironia, sul senso della poesia, sul sentimento che suscita, sul mondo artistico e teatrale contemporaneo, e finalmente, attraverso gli scritti e la biografia dell’artista e dell’uomo, sull’omaggio vero e sentito a Renato Appi, animatore culturale, studioso e scrittore di grande spessore artistico e soprattutto umano.
