Il vint. Marc di Murùs
10/08/26 21:00
di e cun Martina Delpiccolo e Fabiano Fantini
Anteprima
Produzion TEATRI STABIL FURLAN
Dopo dal sucès di “Marcho. L’ultima bandiera”, docufilm di Marco Fabbro e Enrico Maso, cumò Martina Delpiccolo e Fabiano Fantini a acetin la propueste di aprofondî la dimension umane di Marc di Moruç (XV secul), l’ultin puartebandiere dal Stât patriarcâl di Aquilee o – come ch’al scrîf Albert Travain – da la prime Mitteleurope. Un percors creatîf origjinâl ch’al sgjave insot tal anim di chel om ch’al veve paiât cu la vite il coragjo di frontâ l’invasion da la Republiche di Vignesie, ta la sô elaborazion, tal so madressi e ta lis conseguencis di une sielte, tocjant i temis da l’identitât, da la coerence e da la justizie. Une operazion di trasfigurazion leterarie e teatrâl di “memorie” vive che e fevele al vuê.
Dopo il successo di “Marcho. L’ultima bandiera”, docufilm di Marco Fabbro e Enrico Maso, ora Martina Delpiccolo e Fabiano Fantini accolgono la proposta di approfondire e indagare la dimensione umana più profonda e la potenzialità empatica della figura di Marco di Moruzzo (XV secolo), l’ultimo portabandiera dello Stato patriarcale di Aquileia o – come scrive Alberto Travain nella sua ricerca storica – della prima Mitteleuropa.
Un percorso originale che scava “dentro”, nell’animo dell’uomo che pagò con la vita il coraggio di opporsi all’invasione della Repubblica di Venezia, nel suo travaglio, nella maturazione e nelle conseguenze di una scelta, attraversando i temi dell’identità, della coerenza e della giustizia, in un’operazione inedita di trasfigurazione letteraria e teatrale, di memoria “viva” che parla all’oggi.
Par informazions: www.colonos.it
Condividi il nostro spettacolo sui Social!
La sauride stagjon dal Teatri Stabil Furlan
‘Savôrs’ e je la peraule ’dal gustâ’ che chest’an o vin sielgiût par dai il titul a la gnove stagjon 2026 dal Teatri Stabil Furlan. E di ‘gustâ’ si cjacare, difat, presentant une stagjon che a mostre parsore di une stesse taule tancj savôrs diferents, preparâts di tancj artiscj furlans di divignincis diviersis de nestre regjon, tacant de montagne pordenonêse (chê de pitine, par capîsi) di Marta Riservato che nus conte la storie straordinarie di sô none Argie, passant par chê citât che a sarà capitâl taliane de culture 2027 di Lisa Moras, cuntune storie che a sa di orient e di ocident, lant indenant viars soreli jevât cul lavôr centrât sul mangjâ furlan dal libri di recipis de contesse Perusini di Bettina Carniato, une polse tal Cuei par un bon taj cul lavôr sul vin di Carlo Onado, scritôr di zai milanês prestât al Friûl, e vie ancjemò simpri lant viars il cricâ dì cun la conte di un pâr di smursiei blancs e ros pierdûs intune storie là che par mangjâ a dile dute si mangjave ben pôc, de bande de gurizane Elisa Menon, e ancjemò plui in là cul incuintri sul confin, fra salamp e cevapcici di Aida Talliente e Patrizia Jurincic Finzgar. Rivant ancje a fâ un scjampon tas Gjermaniis là che i Krauten a deventin bruade par contâ une altre storie dal secul passât de bande di Maria Milisavljevic (tantis feminis chest’an), cul jutori preziôs di Federico Scarpin e un grant salt (chel sì, ‘oceanic’) di chê atre bande dal mont cul incuintri speciâl fra ramen e ‘suf, fra Yukio Mishima e Pier Paolo Pasolini siervît in taule di Marco Maria Tosolini. Ce sorte di viaç dentri de mangjative, nomo? E dut chest intun ambient gnûf dal dut, la gnove sede dal TSF, che a si cjate dentri de fiere di Torrean di Martignà. Une taule gnove gnove tant che un altri savôr di zontâ àl gustâ. ‘Gustâ’, propit.
Vegnîso a cene cun nô?
