Ricuarts di Pinete
07/08/26 18:30
di Antonio D’Olivo
Vôs Massimo Somaglino
Armoniche Paolo Forte
Produzion TEATRI STABIL FURLAN
e ARLeF – Agjenzie Regjonâl pe Lenghe Furlane
in colaborazion cun Associazione Lignano nel Terzo Millennio
E je come une lungje letare d’amôr, intime, nostalgjiche, di chê nostalgjie che si à par un timp passât e pierdût par simpri, cjalât prin di dut cui voi di un frut e daspò di un fantat dulà che ogni detai al è plui grant e vêr, ogni ricuart al è plui sfumât ma tal stes timp precîs, intune atmosfere particolâr, iripetibile, chê di une Lignan une vore diferente di vuê. Une Lignan dulà che dut al jere pussibil, il mont plui sempliç, i siums plui grancj, i profums e colôrs plui fuarts. Une lungje letare indreçade al vuê, ma che nus tabaie di îr, scrite di un om che di fantat al à vût il privileç di vivi il sium di un grant architet e cun lui di un piçul grop di artiscj e scritôrs, protagoniscj di une stagjon creative e plene di promessis, che si insumiavin une Lignan diferente, forsit miôr.
E’ come una lunga lettera d’amore, intima, nostalgica, di quella nostalgia che si ha per un tempo passato e perduto per sempre, osservato con gli occhi di un bambino prima, di un ragazzino poi, dove ogni dettaglio è più grande e più vero, ogni ricordo più sfumato ma allo stesso tempo preciso, in un’atmosfera particolare, irripetibile, quella di una Lignano profondamente diversa da oggi, una Lignano dove tutto era possibile, il mondo più semplice, i sogni più grandi, i profumi e i colori più intensi. Una lunga lettera indirizzata all’oggi, ma che ci parla di ieri, scritta da un uomo che da ragazzino ha avuto il privilegio di vivere il sogno di un grande architetto e con lui di un piccolo gruppo di artisti e scrittori, protagonisti di una stagione creativa e piena di promesse, che sognavano una Lignano diversa, forse migliore.
Par informazions: www.incontriconlautore.it
Condividi il nostro spettacolo sui Social!
La sauride stagjon dal Teatri Stabil Furlan
‘Savôrs’ e je la peraule ’dal gustâ’ che chest’an o vin sielgiût par dai il titul a la gnove stagjon 2026 dal Teatri Stabil Furlan. E di ‘gustâ’ si cjacare, difat, presentant une stagjon che a mostre parsore di une stesse taule tancj savôrs diferents, preparâts di tancj artiscj furlans di divignincis diviersis de nestre regjon, tacant de montagne pordenonêse (chê de pitine, par capîsi) di Marta Riservato che nus conte la storie straordinarie di sô none Argie, passant par chê citât che a sarà capitâl taliane de culture 2027 di Lisa Moras, cuntune storie che a sa di orient e di ocident, lant indenant viars soreli jevât cul lavôr centrât sul mangjâ furlan dal libri di recipis de contesse Perusini di Bettina Carniato, une polse tal Cuei par un bon taj cul lavôr sul vin di Carlo Onado, scritôr di zai milanês prestât al Friûl, e vie ancjemò simpri lant viars il cricâ dì cun la conte di un pâr di smursiei blancs e ros pierdûs intune storie là che par mangjâ a dile dute si mangjave ben pôc, de bande de gurizane Elisa Menon, e ancjemò plui in là cul incuintri sul confin, fra salamp e cevapcici di Aida Talliente e Patrizia Jurincic Finzgar. Rivant ancje a fâ un scjampon tas Gjermaniis là che i Krauten a deventin bruade par contâ une altre storie dal secul passât de bande di Maria Milisavljevic (tantis feminis chest’an), cul jutori preziôs di Federico Scarpin e un grant salt (chel sì, ‘oceanic’) di chê atre bande dal mont cul incuintri speciâl fra ramen e ‘suf, fra Yukio Mishima e Pier Paolo Pasolini siervît in taule di Marco Maria Tosolini. Ce sorte di viaç dentri de mangjative, nomo? E dut chest intun ambient gnûf dal dut, la gnove sede dal TSF, che a si cjate dentri de fiere di Torrean di Martignà. Une taule gnove gnove tant che un altri savôr di zontâ àl gustâ. ‘Gustâ’, propit.
Vegnîso a cene cun nô?
