La sauride stagjon dal Teatri Stabil Furlan
‘Savôrs’ e je la peraule ’dal gustâ’ che chest’an o vin sielgiût par dai il titul a la gnove stagjon 2026 dal Teatri Stabil Furlan. E di ‘gustâ’ si cjacare, difat, presentant une stagjon che a mostre parsore di une stesse taule tancj savôrs diferents, preparâts di tancj artiscj furlans di divignincis diviersis de nestre regjon, tacant de montagne pordenonêse (chê de pitine, par capîsi) di Marta Riservato che nus conte la storie straordinarie di sô none Argie, passant par chê citât che a sarà capitâl taliane de culture 2027 di Lisa Moras, cuntune storie che a sa di orient e di ocident, lant indenant viars soreli jevât cul lavôr centrât sul mangjâ furlan dal libri di recipis de contesse Perusini di Bettina Carniato, une polse tal Cuei par un bon taj cul lavôr sul vin di Carlo Onado, scritôr di zai milanês prestât al Friûl, e vie ancjemò simpri lant viars il cricâ dì cun la conte di un pâr di smursiei blancs e ros pierdûs intune storie là che par mangjâ a dile dute si mangjave ben pôc, de bande de gurizane Elisa Menon, e ancjemò plui in là cul incuintri sul confin, fra salamp e cevapcici di Aida Talliente e Patrizia Jurincic Finzgar. Rivant ancje a fâ un scjampon tas Gjermaniis là che i Krauten a deventin bruade par contâ une altre storie dal secul passât de bande di Maria Milisavljevic (tantis feminis chest’an), cul jutori preziôs di Federico Scarpin e un grant salt (chel sì, ‘oceanic’) di chê atre bande dal mont cul incuintri speciâl fra ramen e ‘suf, fra Yukio Mishima e Pier Paolo Pasolini siervît in taule di Marco Maria Tosolini. Ce sorte di viaç dentri de mangjative, nomo? E dut chest intun ambient gnûf dal dut, la gnove sede dal TSF, che a si cjate dentri de fiere di Torrean di Martignà. Une taule gnove gnove tant che un altri savôr di zontâ àl gustâ. ‘Gustâ’, propit.
Vegnîso a cene cun nô?
Lis Cinc Aghis
14 Dicembre 2025 20:30
Cun / Con
Stefano Montello contadino sociale, musicista e scrittore
Orchestra d’Archi Blanc
Riccardo Pes direttore e violoncello solista
“Lis Cinc Aghis” al è un viaç a torzeon ta che part de Basse Furlane che a sta tra la fôs dal Tiliment, lis risultivis, il flum Stele, la Lagune e il Mâr: la Basse che e je stade di Nievo e di Hemingway, di contadins e bonifichis e che cumò e je soredut tiere di rotatoriis, risto-pub e pedalò. Ma ancje, di simpri, une tiere mitiche, indulà che chel pôc ch’al è nol è nancje cussì sigûr di jessi, i cunfins a son clopadiçs e le uniche certezze e je la libertât di piardisi. Une tiere di aghis e fumate che à pôcs ponts di riferment: un arbul grant, une ancone spierdude, une glesiute, l’autostrade.
La Basse contade ta “Lis Cinc Aghis” e je un misteriôs lûc da l’anime, popolât di int suturne e aventurose: un lûc di polse par rasonâ cun calme sul timp ch’al passe, une tiere di contradizions, di contrabanîrs e cercandui, di inventôrs falîts, di santis che no esistin, di feminis cjantarinis e dal imbumbide spirt di miârs di cjavai e cjavalîrs passâts di lì.
Un viaç a torzeon intune tiere umide, afose e strache.
La Basse che e sta drenti ognun di nô.
“Le Cinque Acque” è un viaggio confidenziale in quella parte della Bassa Friulana racchiusa tra la foce del Tagliamento, le risorgive, il fiume Stella, la laguna e il mare Adriatico: la Bassa che è stata di Nievo e Hemingway, di contadini e bonifiche e che ora è soprattutto terra di rotatorie, risto-pub e pedalò. Ma anche, da sempre, una terra mitica, dove quel poco che c’è rimane improbabile, i confini sono elastici e l’unica certezza risiede nella libertà di perdersi. Una terra di acqua e nebbie che ha pochi punti di riferimento: un albero grande, una ancona sperduta, una chiesetta, l’autostrada.
La Bassa raccontata ne “Le Cinque Acque” è un misterioso luogo dell’anima, popolato da gente malinconica e avventurosa: un luogo di sosta dove poter ragionare con calma sul tempo che passa, una terra di contraddizioni, di contrabbandieri e viaggiatori, di inventori falliti, di sante che non esistono, di donne che cantano e abitato dalla spirito di migliaia di cavalli e cavalieri passati da lì.
Un viaggio vagabondo in una terra umida, afosa e indolente.
La Bassa che sta dentro ciascuno di noi.
Bilietarie
I biliets si puedin comprâ online su www.vivaticket.com
