La sauride stagjon dal Teatri Stabil Furlan
‘Savôrs’ e je la peraule ’dal gustâ’ che chest’an o vin sielgiût par dai il titul a la gnove stagjon 2026 dal Teatri Stabil Furlan. E di ‘gustâ’ si cjacare, difat, presentant une stagjon che a mostre parsore di une stesse taule tancj savôrs diferents, preparâts di tancj artiscj furlans di divignincis diviersis de nestre regjon, tacant de montagne pordenonêse (chê de pitine, par capîsi) di Marta Riservato che nus conte la storie straordinarie di sô none Argie, passant par chê citât che a sarà capitâl taliane de culture 2027 di Lisa Moras, cuntune storie che a sa di orient e di ocident, lant indenant viars soreli jevât cul lavôr centrât sul mangjâ furlan dal libri di recipis de contesse Perusini di Bettina Carniato, une polse tal Cuei par un bon taj cul lavôr sul vin di Carlo Onado, scritôr di zai milanês prestât al Friûl, e vie ancjemò simpri lant viars il cricâ dì cun la conte di un pâr di smursiei blancs e ros pierdûs intune storie là che par mangjâ a dile dute si mangjave ben pôc, de bande de gurizane Elisa Menon, e ancjemò plui in là cul incuintri sul confin, fra salamp e cevapcici di Aida Talliente e Patrizia Jurincic Finzgar. Rivant ancje a fâ un scjampon tas Gjermaniis là che i Krauten a deventin bruade par contâ une altre storie dal secul passât de bande di Maria Milisavljevic (tantis feminis chest’an), cul jutori preziôs di Federico Scarpin e un grant salt (chel sì, ‘oceanic’) di chê atre bande dal mont cul incuintri speciâl fra ramen e ‘suf, fra Yukio Mishima e Pier Paolo Pasolini siervît in taule di Marco Maria Tosolini. Ce sorte di viaç dentri de mangjative, nomo? E dut chest intun ambient gnûf dal dut, la gnove sede dal TSF, che a si cjate dentri de fiere di Torrean di Martignà. Une taule gnove gnove tant che un altri savôr di zontâ àl gustâ. ‘Gustâ’, propit.
Vegnîso a cene cun nô?
ANCHE SE LA MUSICA NON C’È
21/02/26 20:00
di Gabriele Genovese e Marta Riservato
cun Marta Riservato
Costums e elements di sene Elettra Del Mistro
Produzion Associazione Culturale CAVE e Centro Teatrale Umbro
“Anche se la musica non c’è” al è un spetacul dedicât ae vite di Argia Manarin, une femine che e je stade buine di mudâ il dolôr e la injustizie intun cjant cidin di fuarce e resilience. Argia e à frontât il judizi, l’abandon e lis feridis fondis e invisibilis di une epoche dulà che a mancjavin lis peraulis par descrivi il maljessi e la violence, ma no si è mai crevade. La sô storie e conte la capacitât straordenarie di resisti, ancje cuant che al somee che la vite ti gjavi ogni melodie. Une testemoneance di pestelacs che si vierzin te ombrene e arbui che a cressin su lis pieris dal Tiliment. O vin cjolt sù i lôr pics e o sin lâts daûr des lôr lidrîs, tornant a piturâ cheste ereditât preziose, intai siei trats essenziâi e cul so stes amôr pe creature umane.
“Anche se la musica non c’è” è uno spettacolo dedicato alla vita di Argia Manarin, una donna che ha saputo trasformare il dolore e l’ingiustizia in un canto silenzioso di forza e resilienza. Argia ha affrontato il giudizio, l’abbandono e le profonde ferite invisibili di un’epoca in cui mancavano le parole per descrivere il disagio e la violenza, ma non si è mai spezzata. La sua storia racconta la capacità straordinaria di resistere, anche quando la vita sembra toglierti ogni melodia. Una testimonianza di primule che si schiudono all’ombra e alberi che crescono sulle pietre del Tagliamento. Ne abbiamo raccolto i petali e seguito le radici ridipingendo questa preziosa eredità, nei suoi tratti essenziali e con il suo stesso amore per l’essere umano.
