La sauride stagjon dal Teatri Stabil Furlan
‘Savôrs’ e je la peraule ’dal gustâ’ che chest’an o vin sielgiût par dai il titul a la gnove stagjon 2026 dal Teatri Stabil Furlan. E di ‘gustâ’ si cjacare, difat, presentant une stagjon che a mostre parsore di une stesse taule tancj savôrs diferents, preparâts di tancj artiscj furlans di divignincis diviersis de nestre regjon, tacant de montagne pordenonêse (chê de pitine, par capîsi) di Marta Riservato che nus conte la storie straordinarie di sô none Argie, passant par chê citât che a sarà capitâl taliane de culture 2027 di Lisa Moras, cuntune storie che a sa di orient e di ocident, lant indenant viars soreli jevât cul lavôr centrât sul mangjâ furlan dal libri di recipis de contesse Perusini di Bettina Carniato, une polse tal Cuei par un bon taj cul lavôr sul vin di Carlo Onado, scritôr di zai milanês prestât al Friûl, e vie ancjemò simpri lant viars il cricâ dì cun la conte di un pâr di smursiei blancs e ros pierdûs intune storie là che par mangjâ a dile dute si mangjave ben pôc, de bande de gurizane Elisa Menon, e ancjemò plui in là cul incuintri sul confin, fra salamp e cevapcici di Aida Talliente e Patrizia Jurincic Finzgar. Rivant ancje a fâ un scjampon tas Gjermaniis là che i Krauten a deventin bruade par contâ une altre storie dal secul passât de bande di Maria Milisavljevic (tantis feminis chest’an), cul jutori preziôs di Federico Scarpin e un grant salt (chel sì, ‘oceanic’) di chê atre bande dal mont cul incuintri speciâl fra ramen e ‘suf, fra Yukio Mishima e Pier Paolo Pasolini siervît in taule di Marco Maria Tosolini. Ce sorte di viaç dentri de mangjative, nomo? E dut chest intun ambient gnûf dal dut, la gnove sede dal TSF, che a si cjate dentri de fiere di Torrean di Martignà. Une taule gnove gnove tant che un altri savôr di zontâ àl gustâ. ‘Gustâ’, propit.
Vegnîso a cene cun nô?
LA VÔS DAL TIMP
27/03/26 20:00
di Carlo Onado
cun Serena Costalunga e Maurizio Fanin
Regjie di Massimo Somaglino
Produzion TEATRI STABIL FURLAN
Un ringraciament pe consulence enologjiche Lorenzo e Federica – Vignai da Duline
“Al è un suicidi, nol va dubi”. Al somee che il comissari Bruno Berton al vedi pôc ce indagâ. Giulio Pasutti, zovin viticultôr e enolic visionari, erêt di metât de aziende Pasut, impegnât te produzion di un “Grand Cru” di Pinot Neri che al à non “Neri Pasut”, si è copât in mût atroç te sô cantine. Si che duncje chê che il comissari i fâs ae sûr de vitime, Letizia, proprietarie di chê altre metât de aziende, sbalsamade par ce che al è sucedût e scunide pal dolôr, e je dibot une visite di cortesie. Se nol fos par chê butilie di vin stranie, cence etichete, che il comissari al à puartade daûr, l’incuintri al podarès durâ pardabon pôcs minûts. Il lôr dialic intim, però, planc a planc. intun zûc psicologjic sutîl di atacs e difesis, al finirà par contâ une altre storie.
‘E’ un suicidio, non ci sono dubbi’. Il commissario Bruno Berton sembra avere poco da indagare. Giulio Pasutti, giovane viticoltore ed enologo visionario, erede della metà dell’azienda Pasut, impegnato nella produzione di un ‘Grand Cru’ di Pinot Nero dal nome di ‘Neri Pasut’, si è ucciso in modo atroce nella sua cantina. E’ quindi quasi una visita di cortesia quella che il commissario compie alla sorella della vittima, Letizia, proprietaria dell’altra metà dell’azienda, sconvolta dall’episodio e schiantata dal dolore. Non ci fosse quella strana bottiglia di vino senza etichetta che il commissario ha portato con sé, l’incontro potrebbe davvero durare pochi minuti. Il loro intimo dialogo però pian piano, in un sottile gioco psicologico di attacchi e difese, finirà per raccontare un’altra storia.
