La sauride stagjon dal Teatri Stabil Furlan
‘Savôrs’ e je la peraule ’dal gustâ’ che chest’an o vin sielgiût par dai il titul a la gnove stagjon 2026 dal Teatri Stabil Furlan. E di ‘gustâ’ si cjacare, difat, presentant une stagjon che a mostre parsore di une stesse taule tancj savôrs diferents, preparâts di tancj artiscj furlans di divignincis diviersis de nestre regjon, tacant de montagne pordenonêse (chê de pitine, par capîsi) di Marta Riservato che nus conte la storie straordinarie di sô none Argie, passant par chê citât che a sarà capitâl taliane de culture 2027 di Lisa Moras, cuntune storie che a sa di orient e di ocident, lant indenant viars soreli jevât cul lavôr centrât sul mangjâ furlan dal libri di recipis de contesse Perusini di Bettina Carniato, une polse tal Cuei par un bon taj cul lavôr sul vin di Carlo Onado, scritôr di zai milanês prestât al Friûl, e vie ancjemò simpri lant viars il cricâ dì cun la conte di un pâr di smursiei blancs e ros pierdûs intune storie là che par mangjâ a dile dute si mangjave ben pôc, de bande de gurizane Elisa Menon, e ancjemò plui in là cul incuintri sul confin, fra salamp e cevapcici di Aida Talliente e Patrizia Jurincic Finzgar. Rivant ancje a fâ un scjampon tas Gjermaniis là che i Krauten a deventin bruade par contâ une altre storie dal secul passât de bande di Maria Milisavljevic (tantis feminis chest’an), cul jutori preziôs di Federico Scarpin e un grant salt (chel sì, ‘oceanic’) di chê atre bande dal mont cul incuintri speciâl fra ramen e ‘suf, fra Yukio Mishima e Pier Paolo Pasolini siervît in taule di Marco Maria Tosolini. Ce sorte di viaç dentri de mangjative, nomo? E dut chest intun ambient gnûf dal dut, la gnove sede dal TSF, che a si cjate dentri de fiere di Torrean di Martignà. Une taule gnove gnove tant che un altri savôr di zontâ àl gustâ. ‘Gustâ’, propit.
Vegnîso a cene cun nô?
DRUGAČEN SVET / UN ALTRI MONT
17/04/26 20:00
di e cun Aida Talliente e Patrizia Jurinčič Finžgar
Tescj e mix audio Aida Talliente e Patrizia Jurinčič Finžgar
Colaborazion ae dramaturgjie de lûs Luigi Biondi
Direzion tecniche Giacomo Bortolossi
Grafiche Giulia Spanghero
Diapositivis Claudio Cescutti
Produzion Teatri Stabil Furlan e Lenghis Festival
Un ringraciament a Circolo Culturale F.B. Sedej di S. Floriano del Collio – Teatro Stabile Sloveno di Trieste – Gorizia / Nova Gorica 2025 (GO2025)
Drugačen svet/Un altri mont al è un “rît” nassût dal incuintri di dôs feminis, Aida e Patrizia: une furlane e chê altre slovene. Lis lôr vitis a son peadis par vie di afiets e fameis a chel confin che une volte al divideve l’Est dal Ovest; confin che cu la sô ambivalence al devente simbul di division e di sieradure, ma ancje di incuintri e di slanç bande un altrò. Cui che al partecipe al rît si cjate intun “lûc di memorie”, dulà che lis dôs feminis a instrecin la lôr storie di famee fin che no le fasin deventâ une esperience che, cun delicatece, e cjape dentri ducj. Un percors sensoriâl e imersîf che al invide a passâ une puarte e a jentrâ, par un pôc di timp, intun altri mont: chel insumiât, sperât, bramât.
Drugačen svet/Un altri mont è un “rito” nato dall’incontro tra due donne, Aida e Patrizia: una friulana e l’altra slovena. Le loro vite sono legate in modo affettivo e familiare a quel confine che un tempo separava l’Est dall’Ovest; confine che con la sua ambivalenza diventa simbolo di divisione e di chiusura ma anche di incontro e di slancio verso un altrove. Chi partecipa al rito viene accolto in un “luogo di memoria”, in cui le due donne intrecciano la loro storia fino a renderla un’esperienza che, con delicatezza, coinvolge tutti. Un percorso sensoriale ed immersivo che invita a varcare una soglia e a entrare, per un po’ di tempo, in un altro mondo: quello sognato, sperato, desiderato.
Drugačen svet/Un altri mont je “obred”, ki se je porodil iz srečanja dveh žensk, furlanke Aide in slovenke Patrizie. Njuni življenji, njuni družini in ljubljene osebe so neposredno povezani z mejo, ki je nekoč pomenila ločnico med vzhodnim in zahodnim svetom; tisto mejo, ki s svojo protislovnostjo prinaša razkol in zaprtost, a tudi priložnost za srečanje in odskočno desko za nove poti. Udeleženec obreda je povabljen v “spominsko sobo,” kjer si ženski izmenjavata zgodbe, ki iz intimnega doživljaja nežno vabijo v kolektivno spominjanje. Popotovanje, ki nas vabi, da s svojimi čuti prestopimo prag, vstopimo in se za kratek čas potopimo v drugačen svet: v svet sanj, upanj, hrepenenj.
