La sauride stagjon dal Teatri Stabil Furlan
‘Savôrs’ e je la peraule ’dal gustâ’ che chest’an o vin sielgiût par dai il titul a la gnove stagjon 2026 dal Teatri Stabil Furlan. E di ‘gustâ’ si cjacare, difat, presentant une stagjon che a mostre parsore di une stesse taule tancj savôrs diferents, preparâts di tancj artiscj furlans di divignincis diviersis de nestre regjon, tacant de montagne pordenonêse (chê de pitine, par capîsi) di Marta Riservato che nus conte la storie straordinarie di sô none Argie, passant par chê citât che a sarà capitâl taliane de culture 2027 di Lisa Moras, cuntune storie che a sa di orient e di ocident, lant indenant viars soreli jevât cul lavôr centrât sul mangjâ furlan dal libri di recipis de contesse Perusini di Bettina Carniato, une polse tal Cuei par un bon taj cul lavôr sul vin di Carlo Onado, scritôr di zai milanês prestât al Friûl, e vie ancjemò simpri lant viars il cricâ dì cun la conte di un pâr di smursiei blancs e ros pierdûs intune storie là che par mangjâ a dile dute si mangjave ben pôc, de bande de gurizane Elisa Menon, e ancjemò plui in là cul incuintri sul confin, fra salamp e cevapcici di Aida Talliente e Patrizia Jurincic Finzgar. Rivant ancje a fâ un scjampon tas Gjermaniis là che i Krauten a deventin bruade par contâ une altre storie dal secul passât de bande di Maria Milisavljevic (tantis feminis chest’an), cul jutori preziôs di Federico Scarpin e un grant salt (chel sì, ‘oceanic’) di chê atre bande dal mont cul incuintri speciâl fra ramen e ‘suf, fra Yukio Mishima e Pier Paolo Pasolini siervît in taule di Marco Maria Tosolini. Ce sorte di viaç dentri de mangjative, nomo? E dut chest intun ambient gnûf dal dut, la gnove sede dal TSF, che a si cjate dentri de fiere di Torrean di Martignà. Une taule gnove gnove tant che un altri savôr di zontâ àl gustâ. ‘Gustâ’, propit.
Vegnîso a cene cun nô?
L’ALTRA DA ME
10/05/26 16:00
Di Lisa Moras
Cun Eleonora Marchiori, Giulia Cosolo
Musichis e sound design di Tommaso Tommers Benedetto
Grafichis Marco Zanella
Produzion SpkTeatro
Cu la poie di Regjon FVJ, ANPI UDINE, Teatri Stabil Furlan
“L’altra da me” si ispire al libri “Tutte le anime del mio corpo – diario di una giovane partigiana”, che al presente il ritrat di une zovine, Maria Antonietta Moro, impegnade prime tes ativitâts dai grups antifassiscj jugoslâfs e daspò te Resistence taliane. La zovine, tai mês cuant che e je obleade a platâsi, e scrîf un diari. Il document al ven cjatât de fie dome daspò muarte sô mari. A son pagjinis scritis in timp di vuere e par chel a pandin in maniere sclete lis impressions e i sintiments di une zovine combatente. Pagjinis che a àn sclarît ce che la fie no veve mai savût de mari. Ancje se si indrece a un public gjeneralist adult, il lavôr si è metût come obietîf chel di stiçâ l’interès dai zovins. Par fâlu e je stade fate une sielte stilistiche minimaliste: nuie senis, nuie costums, nuie azion, nuie che al puedi riclamâ cualchi sensazion vintage o retrò te metodiche estetiche de esecuzion. A dominâ la sene a son elements pop tant che microfons, scufis, lampadis, console, ordenadôrs, elements che i zovin a son bogns di codificâ e atmosferis di club. Protagonistis assoludis de sene: vôs, musiche e imagjinazion.
‘L‘altra da me’ si ispira al libro ‘Tutte le anime del mio corpo – diario di una giovane partigiana’, che presenta il ritratto di una giovane donna, Maria Antonietta Moro, impegnata prima nelle attività dei gruppi antifascisti jugoslavi e poi nella Resistenza italiana. La giovane, nei mesi in cui è costretta a nascondersi, scrive un diario. ll documento viene ritrovato dalla figlia solo dopo la morte della madre. Si tratta di pagine scritte durante il conflitto e quindi immediate nella restituzione delle impressioni e dei sentimenti di una giovane combattente. Pagine che hanno gettato luce su ciò che la figlia non aveva mai saputo della madre. Pur rivolgendosi ad un pubblico generalista adulto il lavoro si è posto l’obiettivo di suscitare l’interesse dei giovani. Per farlo è stata fatta una scelta stilistica minimalista: niente scene, niente costumi, niente azione, nulla che possa evocare una qualche sensazione vintage o retrò nell’approccio estetico dell’esecuzione. A dominare la scena sono elementi pop come microfoni, cuffie, lampade, console, computer, elementi che i giovani sanno codificare e atmosfere da club. Protagoniste assolute della scena: voce, musica e immaginazione.
