La sauride stagjon dal Teatri Stabil Furlan
‘Savôrs’ e je la peraule ’dal gustâ’ che chest’an o vin sielgiût par dai il titul a la gnove stagjon 2026 dal Teatri Stabil Furlan. E di ‘gustâ’ si cjacare, difat, presentant une stagjon che a mostre parsore di une stesse taule tancj savôrs diferents, preparâts di tancj artiscj furlans di divignincis diviersis de nestre regjon, tacant de montagne pordenonêse (chê de pitine, par capîsi) di Marta Riservato che nus conte la storie straordinarie di sô none Argie, passant par chê citât che a sarà capitâl taliane de culture 2027 di Lisa Moras, cuntune storie che a sa di orient e di ocident, lant indenant viars soreli jevât cul lavôr centrât sul mangjâ furlan dal libri di recipis de contesse Perusini di Bettina Carniato, une polse tal Cuei par un bon taj cul lavôr sul vin di Carlo Onado, scritôr di zai milanês prestât al Friûl, e vie ancjemò simpri lant viars il cricâ dì cun la conte di un pâr di smursiei blancs e ros pierdûs intune storie là che par mangjâ a dile dute si mangjave ben pôc, de bande de gurizane Elisa Menon, e ancjemò plui in là cul incuintri sul confin, fra salamp e cevapcici di Aida Talliente e Patrizia Jurincic Finzgar. Rivant ancje a fâ un scjampon tas Gjermaniis là che i Krauten a deventin bruade par contâ une altre storie dal secul passât de bande di Maria Milisavljevic (tantis feminis chest’an), cul jutori preziôs di Federico Scarpin e un grant salt (chel sì, ‘oceanic’) di chê atre bande dal mont cul incuintri speciâl fra ramen e ‘suf, fra Yukio Mishima e Pier Paolo Pasolini siervît in taule di Marco Maria Tosolini. Ce sorte di viaç dentri de mangjative, nomo? E dut chest intun ambient gnûf dal dut, la gnove sede dal TSF, che a si cjate dentri de fiere di Torrean di Martignà. Une taule gnove gnove tant che un altri savôr di zontâ àl gustâ. ‘Gustâ’, propit.
Vegnîso a cene cun nô?
GUANCE BIANCHE E ROSSE
29/05/26 20:00
Reading musicâl di e cun Elisa Menon
Sound design Francesco Ivone
Tocs par armoniche Aleksander Ipavec
Responsabil tecnic Marco Fabris
Produzion Fierascena
Elda Turchetti e je une zovine che, tai agns de Seconde Vuere Mondiâl sul confin orientâl dal Friûl, e cîr come tantis di sorevivi. La conte e mostre i siei ultins mês di vite che a coincidin cun chei finâi de vuere, e e ricostruìs lis vicendis che le menin aes Malghis di Porçûs, dulà che si cjate il comant dai partigjans de Brigade Osôf. La zovine, cun di fat, daspò vê acetât di lavorâ par un pôc di timp tant che spie sot dai todescs e jessi stade scuvierzude e denunziade di Radio Londra, tal mês di Dicembar dal 1944 si consegne ai partigjans par sclarî la sô posizion, otignint che le menin aes Malghis, dulà che e ven processade, discolpade e stratignude cun mansions di servizi. Ma ai 7 di Fevrâr dal 1945 un grup di un centenâr di partigjans garibaldins cun da cjâf Mario Toffanin al atache il comant osovan fasint muarts e presonîrs e in chê vicende tragjiche ancje Elda e piert la vite. Une narazion intime, acompagnade dal sound design di Francesco Ivone e dai tocs par armoniche componûts di Aleksander Ipavec, che e imagjine ce che e à vivût la zovine in timp di vuere par provâ a capî ce che al sucêt te dimension personâl e coletive cuant che fuarcis cussì grandis, che a stravuelzin ogni robe, a colin su lis vitis des personis.
Elda Turchetti, è una giovane donna che, negli anni della seconda guerra mondiale al confine orientale del Friuli, cerca come tante di sopravvivere. Il racconto restituisce i suoi ultimi mesi di vita che coincidono con quelli finali del conflitto, e ricostruisce le vicende che la conducono alle Malghe di Porzûs, dove si trova il comando dei partigiani della Brigata Osoppo. La ragazza infatti, dopo aver accettato di lavorare per un breve periodo come spia al soldo dei tedeschi ed essere stata scoperta e denunciata da Radio Londra, nel dicembre del 1944 si consegna ai partigiani per chiarire la sua posizione ottenendo di essere condotta alle Malghe, dove viene processata, scagionata e trattenuta con mansioni di servizio. Ma il 7 febbraio del 1945 un gruppo di circa un centinaio di partigiani garibaldini guidati da Mario Toffanin attacca il comando osovano facendo morti e prigionieri ed in quella triste vicenda anche Elda perde la vita. Una narrazione intima, accompagnata dal sound design di Francesco Ivone e dai brani per fisarmonica composti da Aleksander Ipavec, che immagina il vissuto di una ragazza al tempo della guerra per provare a comprendere cosa accade alla dimensione personale e a quella collettiva quando forze così grandi e sconvolgenti si riversano nelle vite della persone.
