Lis Pantianis e la machine dal timp
23/03/25 17:00
Di e cun / Di e con
Michele Polo, Federico Scridel e Leo Virgili
La discjarie al è l’unic puart sigûr dulà che trê pantianis a puedin calcolâsi al sigûr des angariis dai umans. Une vite dificile, felicitât a moments, in fuide eterne dal tritic mortâl T-R-V, TRAMAI – RACLI – VELEN. Ma se vuê lis Pantianis a son cjaçadis e perseguitadis, si scuvierzarà che intal passât nol è simpri stât cussì… I trê roseadôrs a rivaran a viazâ tal timp midiant di une machine improbabile, metude adun cuntune selezion curade di refudums domestics e industriâi.
La Rome antighe e la vere finalitât dal Colosseu, la Rivoluzion francese e la mancjance di croissant e fintremai une rivade aventurose su la Lune…
Cjatarano i nestris erois un lûc fat di pâs e di formadi? La storie e je origjinâl e e conte dal rapuart dificil fra lis pantianis e i oms, dulà che lis primis a son virtuosis di un pont di viste ecologjic, a crodin inte economie circolâr e a sgarfin dapardut; invezit, come simpri, i oms a cirin di distruzi la diversitât cence pensâi dôs voltis.
…IL DUT PAR FURLAN!
Cui sono i protagoniscj de gnove produzion teatrâl par fantats e fameis dal Teatri Stabil Furlan?
Leo Virgili, musicist e produtôr, pantiane cul miegecode
Michele Polo, buratinâr e dramaturc, pantiane filosofe
Federico Scridel, atôr e regjist, pantiane cul menevîts
Un esempli bielissim di colaborazion fra lis struturis de citât e je la rassegne condividude ‘Udine città teatro per le bambine e i bambini’, che e met adun la rassegne ‘Contatto Tig in famiglia’ organizade dal CSS Teatri Stabil di inovazion dal Friûl-Vignesie Julie e la rassegne ‘Teatro bambino’ dal Teatri Gnûf ‘Giovanni da Udine’.
Cun chest an si scree un tierç incrosament, e par chest o volìn dîur graciis ai diretôrs artistics di ‘Contatto Tig in famiglia’ e ‘Teatro bambino’, une piçule rassegne di trê spetacui che o vin clamât ‘Canais’ e che e presente lavôrs pai fruts e pes fameis che a vedin ce fâ cu la culture e la lenghe furlane, lidrîs e avignî des gnovis gjenerazions. Chi daurman o cjatais lis schedis di chescj apontaments.
Un bellissimo esempio di collaborazione fra strutture cittadine è la rassegna condivisa ‘Udine città teatro per le bambine e i bambini’, che unisce la rassegna ‘Contatto Tig in famiglia’ organizzata dal CSS Teatro Stabile d’innovazione del Friuli Venezia Giulia e la rassegna ‘Teatro bambino’ del Teatro Nuovo Giovanni da Udine.
Da quest’anno prende il via un terzo incrocio, per il quale desideriamo ringraziare i direttori artistici di ‘Contatto Tig in famiglia’ e ‘Teatro bambino’, una piccola rassegna di tre spettacoli che abbiamo chiamato ‘Canais’ e che presenta lavori per i ragazzi e le famiglie che abbiano a che fare con la cultura e la lingua friulana, radice e futuro delle giovani generazioni. Di seguito trovate le schede di questi appuntamenti.
TARIFIS DAI BILIETS DAI SPETACUI “CONTIMI, CRASSIGNE”, “CARTASIA/CJARTESEDI”, “LIS PANTIANIS E LA MACHINE DAL TIMP”
Biliet puest unic € 8,00
BIGLIETTERIA TEATRO PALAMOSTRE
Udine, Teatro Palamostre, piazzale Paolo Diacono 21
