La sauride stagjon dal Teatri Stabil Furlan
‘Savôrs’ e je la peraule ’dal gustâ’ che chest’an o vin sielgiût par dai il titul a la gnove stagjon 2026 dal Teatri Stabil Furlan. E di ‘gustâ’ si cjacare, difat, presentant une stagjon che a mostre parsore di une stesse taule tancj savôrs diferents, preparâts di tancj artiscj furlans di divignincis diviersis de nestre regjon, tacant de montagne pordenonêse (chê de pitine, par capîsi) di Marta Riservato che nus conte la storie straordinarie di sô none Argie, passant par chê citât che a sarà capitâl taliane de culture 2027 di Lisa Moras, cuntune storie che a sa di orient e di ocident, lant indenant viars soreli jevât cul lavôr centrât sul mangjâ furlan dal libri di recipis de contesse Perusini di Bettina Carniato, une polse tal Cuei par un bon taj cul lavôr sul vin di Carlo Onado, scritôr di zai milanês prestât al Friûl, e vie ancjemò simpri lant viars il cricâ dì cun la conte di un pâr di smursiei blancs e ros pierdûs intune storie là che par mangjâ a dile dute si mangjave ben pôc, de bande de gurizane Elisa Menon, e ancjemò plui in là cul incuintri sul confin, fra salamp e cevapcici di Aida Talliente e Patrizia Jurincic Finzgar. Rivant ancje a fâ un scjampon tas Gjermaniis là che i Krauten a deventin bruade par contâ une altre storie dal secul passât de bande di Maria Milisavljevic (tantis feminis chest’an), cul jutori preziôs di Federico Scarpin e un grant salt (chel sì, ‘oceanic’) di chê atre bande dal mont cul incuintri speciâl fra ramen e ‘suf, fra Yukio Mishima e Pier Paolo Pasolini siervît in taule di Marco Maria Tosolini. Ce sorte di viaç dentri de mangjative, nomo? E dut chest intun ambient gnûf dal dut, la gnove sede dal TSF, che a si cjate dentri de fiere di Torrean di Martignà. Une taule gnove gnove tant che un altri savôr di zontâ àl gustâ. ‘Gustâ’, propit.
Vegnîso a cene cun nô?
“Infants, fantats e zovinutis”. Teatri pes gnovis gjenerazions e lenghis minorizadis
3 Aprile 2024 15:00 - 18:00
In ocasion de edizion numar 47 de Fieste de Patrie dal Friûl, che chest an si celebre a Tarcint, il Teatri Stabil Furlan, incoragjât dal sucès de cunvigne dal an passât (che chest an si presentaran i ats) al inmanee un altri incuintri, ai 3 di Avrîl, te sale Diamante di palaç Frangipane, cul titul “Fantats, Infants e Zovinutis – Teatri pes gnovis gjenerazions e lenghis minorizadis”, cu la colaborazion de ARLeF – Agjenzie regjonâl pe lenghe furlane e dal Istitût Ladin Furlan – Pre Checo Placerean.
Chest gnûf confront tra specialiscj dal setôr al vûl fâ il pont de situazion dal teatri pe infanzie in lenghe furlane e in altris lenghis minoritariis; si vûl ancje pensâ a strategjiis condividudis par lavorâ cui plui piçui tai prossims agns, tacant cul analizâ lis trê macroareis: Inventâ, Produsi e Distribuî.
In occasione della 47^ edizione della Fieste de Patrie dal Friûl, ospitata quest’anno dal Comune di Tarcento, il Teatri Stabil Furlan, forte del successo del convegno organizzato lo scorso anno e del quale saranno presentati gli atti, organizza, il 3 aprile, alla sala Diamante di palazzo Frangipane (via Cornelio Frangipane 20, Tarcento), un nuovo incontro intitolato “Fantats, Infants e Zovinutis – Teatri pes gnovis gjenerazions e lenghis minorizadis”, in collaborazione con l’ARLeF – Agenzia regionale per la lingua friulana e Istitût Ladin Furlan – Pre Checo Placerean.
Questo nuovo confronto fra addetti ai lavori ha l’obiettivo di analizzare lo stato dell’arte del teatro per l’infanzia in friulano e nelle altre lingue minorizzate, ma anche individuare strategie comuni per lavorare con i più piccoli nel prossimo futuro, partendo dall’analisi di tre macroaree: Inventare, Produrre e Distribuire.
