La sauride stagjon dal Teatri Stabil Furlan
‘Savôrs’ e je la peraule ’dal gustâ’ che chest’an o vin sielgiût par dai il titul a la gnove stagjon 2026 dal Teatri Stabil Furlan. E di ‘gustâ’ si cjacare, difat, presentant une stagjon che a mostre parsore di une stesse taule tancj savôrs diferents, preparâts di tancj artiscj furlans di divignincis diviersis de nestre regjon, tacant de montagne pordenonêse (chê de pitine, par capîsi) di Marta Riservato che nus conte la storie straordinarie di sô none Argie, passant par chê citât che a sarà capitâl taliane de culture 2027 di Lisa Moras, cuntune storie che a sa di orient e di ocident, lant indenant viars soreli jevât cul lavôr centrât sul mangjâ furlan dal libri di recipis de contesse Perusini di Bettina Carniato, une polse tal Cuei par un bon taj cul lavôr sul vin di Carlo Onado, scritôr di zai milanês prestât al Friûl, e vie ancjemò simpri lant viars il cricâ dì cun la conte di un pâr di smursiei blancs e ros pierdûs intune storie là che par mangjâ a dile dute si mangjave ben pôc, de bande de gurizane Elisa Menon, e ancjemò plui in là cul incuintri sul confin, fra salamp e cevapcici di Aida Talliente e Patrizia Jurincic Finzgar. Rivant ancje a fâ un scjampon tas Gjermaniis là che i Krauten a deventin bruade par contâ une altre storie dal secul passât de bande di Maria Milisavljevic (tantis feminis chest’an), cul jutori preziôs di Federico Scarpin e un grant salt (chel sì, ‘oceanic’) di chê atre bande dal mont cul incuintri speciâl fra ramen e ‘suf, fra Yukio Mishima e Pier Paolo Pasolini siervît in taule di Marco Maria Tosolini. Ce sorte di viaç dentri de mangjative, nomo? E dut chest intun ambient gnûf dal dut, la gnove sede dal TSF, che a si cjate dentri de fiere di Torrean di Martignà. Une taule gnove gnove tant che un altri savôr di zontâ àl gustâ. ‘Gustâ’, propit.
Vegnîso a cene cun nô?
Strumîrs e Zambarlans
19 Agosto 2025 20:30
Di
Alviero Negro
Adatament e Regjie di / Adattamento e regia di
Ferruccio Merisi
Cun
Paola Aiello, Manuel Buttus, Serena Costalunga, Flavio D’Andrea, Maurizio Fanin, Alessandro Maione, Paolo Mutti, Nicoletta Oscuro, Jacopo Pittino, Federico Scridel
e cun
Juliana Azevedo, Caterina De Biaggio, Laura Giavon, Alba Nacinovich, Danilo Favret, Stefano Monino, Baldovino Toffolutti, Simone Zoletto
Musichis di / Musiche di
Marco Maiero
Produzion
Teatri Stabil Furlan
Cu la colaborazion di / Con la collaborazione di
Associazion Ai Colonos
E conte di chel che al ven calcolât tant che il riviel plui grant e tragjic dal Rinassiment talian, jentrât inte storie cul non di “Crudel zobia grassa”: lis violencis de joibe grasse dal 1511 che, de citât di Udin, si son slargjadis par dut il Friûl cun maçalizis e fiscaments in dam de nobiltât locâl, za dividude in dôs fazions in lote, in part cui venezians, in part cui Asburcs, ai timps de rivade in Friûl di Massimilian di Austrie.
Tal test la classe nobiliâr e il sotproletariât rurâl a son in contraposizion. Di une bande, a vegnin analizadis lis tramis dal podê nobiliâr tal contest aministratîf e te situazion di pericul e preocupazion pe invasion foreste, di chê altre si marche cemût che il popul al vegni lassât fûr de storie, patint forsit dome lis consecuencis.
Racconta quella che è considerata la rivolta popolare più vasta e tragica del Rinascimento italiano, passata alla storia come ‘la crudel zobia grassa’: le violenze del Giovedì Grasso del 1511 che, dalla città di Udine si estesero a tutto il Friuli con massacri e saccheggi ai danni della nobiltà locale, già divisa in due fazioni in lotta, parte con i veneziani, parte con gli Asburgo, ai tempi della calata in Friuli di Massimiliano d’Austria.
Nel testo sono contrapposti la classe nobiliare ed il sottoproletariato rurale. Da un lato vengono analizzate le trame del potere nobiliare nel contesto amministrativo e nella paventata situazione di pericolo per l’invasione straniera, dall’altro viene fatto rilevare come il popolo rimanga escluso dalla storia, patendone eventualmente solo le conseguenze.
Plui informazions su www.colonos.it
